Hey Miss Patsy, gurl de market pack for so. Bunjayyyy, look at all dem fruit and dem nah. All yuh had a big, big harvest weiii. I mean look at all ah dem ting nah. I see mandarins, cashews, sapodillas, sugar apples, all kinds ah mangoes. Hey, is dem paw paws sweet. Man me ask yuh a question, I doh want to buy no bitter ones. De last time, it was bitter for so. Ok, I go take two ah dem. And give me some mangoes dey better don have no rotten spots on dem. Man why de cashew and dem so damn hard nah, you selling green fruit, it do ripe yet yuh know. What, I duh get a couple for free, man why yuh so damn stingy, I buying a lot from yuh. Wah yuh mean don bite de mango, I have to make sure it sweet. Wah yuh mean I go pay for it. Yuh trying to tief me eh? Duh mek me box yuh in yuh face nah. Trying to tief me. Ok, i done here, de sun getting hot for so, I want to get him and simmer down in de cool. Ok, i go see yuh next week. Wah yuh say, don come back, boi, stop talking stupidness nah. Yuh still running yuh mouth. Doh mek me come back dey yuh know. Have a good day, and next time, bring some better fruit yuh hear.