Bunjayyyyy, look at all them sweet fruit dey nah, gul, I cawn mek up me mind atall atall. Wah yuh mean jus get some ah everyting, dem fruit grow on tree but I have to wuk for me money yuh know. Get some ah everything, boi yuh is a madman yuh know. Wah you mean doh bite de guava, how else I go know it sweet. Wah, I go hav to pay for it, boi yuh stingy for so yuh know. How much for dat watermelon, Oh me lawd, dat real expensive, dis is highway robbery yuh know. Wah yuh looking at woman, eh? I holding up de line, wah you mean I holding up de line. I is shopping here, wah yuh doing here eh? Don talk stupidness at me dis morning yuh hear, I doh have de patience for it. Well look at me crosses, I here trying to get me fruit and provisions and dis woman trying to test me, gulyuh don know who yuh playing wid yuh know. Leh me get me ting and dem and go home before I box dis woman in she mouth. Move dey nah, move, move.